Сфера касцельнай музыкі пад пагрозай: як захаваць спадчыну
Аляксандр Амяльчэня - Vatican News
У афіцыйнай пазіцыі, агучанай у Берліне, арганізацыя падкрэсліла, што сакральная музыка з’яўляецца не толькі рэсурсам для культурнага жыцця Германіі, але і магутным імпульсам для прафесійнага мастацтва.
Сёння гэтыя структуры знаходзяцца ў небяспецы праз дэфіцыт кваліфікаваных спецыялістаў і недастатковую падтрымку музычных саюзаў. Асабліва адчувальна гэта ў сельскай мясцовасці, дзе касцельнае музычнае жыццё часта застаецца цэнтральным месцам сустрэчы з культурай.
Рада настойвае на тым, каб музычная адукацыя была прызнана цэнтральным элементам дзейнасці рэлігійных супольнасцей. У прыватнасці, гаворка ідзе пра інтэнсіўнае развіццё навучальных праграм як у касцельных, так і ў дзяржаўных установах. Неабходна не проста ўтрымліваць існуючыя пасады галоўных і пазаштатных музычных супрацоўнікаў, але і напаўняць іх новым зместам.
Старшыня Нямецкай музычнай рады Лідзія Грун, якую цытуе агенцтва “KNA” адзначыла, што для забеспячэння жыццяздольнасці гэтай сферы патрэбна аб'яднанне намаганняў адказных асоб у Касцёле і грамадстве. Толькі салідарнасць дапаможа захаваць касцельную музыку як жывую крыніцу малітвы і мастацтва для будучых пакаленняў.
Нямецкая музычная рада прадстаўляе інтарэсы 16,9 мільёна музыкантаў у Германіі і з’яўляецца найбуйнейшай у свеце нацыянальнай арганізацыяй музычнай культуры. Яна аб’ядноўвае больш за 100 арганізацый і асацыяцый па ўсім спектры музычнага жыцця, у тым ліку 16 федэральных музычных рад.
