Юбілейны год завяршаецца ў мясцовых Касцёлах
Аляксандр Амяльчэня - Vatican News
Згодна з булай “Spes non confundit”, гэты дзень павінен стаць момантам, калі Народ Божы прымае плёны абвяшчэння ласкі. Урачыстае адкрыццё адбылося год таму. Біскупы вызначылі святыні для атрымання адпустаў у дыяцэзіях, дазваляючы вернікам далучыцца да духоўных дабротаў без неабходнасці фізічнай прысутнасці ў Рыме.
Тым часам у Вечным горадзе працягваецца працэс закрыцця Святых Брам у папскіх базіліках. Ужо адбыліся ўрачыстыя цырымоніі ў Санта-Марыя-Маджорэ і на Латэране, дзе прагучалі словы падзякі за знакі Божай любові і заклік трымаць сэрца адкрытым. Сёння чарга дайшла да Базілікі святога Паўла па-за Мурамі, дзе літургію ўзначаліў кардынал-архіпрэсбітэр Джэймс Харві.
Галоўнае завяршэнне Юбілейнага года адбудзецца 6 студзеня 2026 года. Папа Леў XIV зачыніць Святую Браму ў Базіліцы Святога Пятра. Гэта стане сімвалам таго, што святло хрысціянскай надзеі павінна дайсці да кожнага чалавека, а Касцёл – заставацца верным сведкам гэтага паслання.
