Францішак зрабіў шэраг значных прызначэнняў у Касцёле

11 студзеня 2025 года Папа зрабіў шэраг значных прызначэнняў у Касцёле: новыя біскупы ў Тайландзе і Камеруне, а таксама змены ў кіраўніцтве сіра-малабарскага Касцёла ў Індыі.

Аляксандр Амяльчэня - Vatican News

Арцыбіскупам-мітрапалітам Бангкока быў прызначаны Францішак Ксаверый Віра Арпондратана, які да гэтага часу кіраваў дыяцэзіяй Чыянг Маі і выконваў абавязкі апостальскага адміністратара Бангкокскай архідыяцэзіі.

У Камеруне новым біскупам дыяцэзіі Ёкадума стаў ксёндз Джасцін Жорж Эбенге, рэктар міждыяцэзіяльнай вышэйшай семінарыі Нотр-Дам дэ л'Эсперанс у Бертуа. Новы біскуп мае багаты досвед душпастырскай працы і адміністрацыйнай дзейнасці, у тым ліку як генеральны вікарый дыяцэзіі Батуры.

Важныя змены адбыліся ў Сіра-Малабарскай Царкве ў Індыі. Папа прыняў адстаўку епіскапа Боска Путура з пасады апостальскага адміністратара архіепархіі Эрнакулам-Ангамалі. У сваю чаргу, Сінод Вярхоўнай Архіепархіі Сіра-Малабарскай Царквы абраў архіепіскапа Джозэфа Памплані, мітрапаліта Телічэры, вікарыем Вярхоўнага Архіепіскапа для архіепархіі Эрнакулам-Ангамалі. Пры гэтым ён захаваў пастырскае кіраўніцтва сваёй цяперашняй архіепархіяй.