Юбілей камунікацыі: сэрца і надзея як інструменты журналіста

У базіліцы святога Яна на Латэране 24 студзеня 2025 года вечарам адбылося адкрыццё Юбілею Свету Камунікацыі з удзелам кардынала Бальдасарэ Рэйны, які заклікаў да лагоднай камунікацыі.

Аляксандр Амяльчэня - Vatican News

У дзень успаміну апекуна журналістаў, святога Францішка Сальскага, адбылася ўрачыстая падзея, якая пачалася з пакутнай літургіі і працягнулася Імшой. Падчас урачыстасці была выстаўлена рэліквія сэрца святога Францішка Сальскага, якую спецыяльна прывезлі з Трэвіза, дзе яна захоўваецца з 1913 года.

Юбілей – гэта час міласэрнасці для ўсіх

"Юбілей – гэта час міласэрнасці для ўсіх. Гэта момант, калі мы глядзім на наша жыццё не столькі праз прызму здзейсненых грахоў, колькі праз моц Божай міласэрнасці", - падкрэсліў кардынал Рэйна ў сваёй гаміліі.

Кардынал звярнуў асаблівую ўвагу на заклік Папы Францішка быць "перадатчыкамі надзеі" і "раззбройваць камунікацыю". Ён прывёў прыклад Езуса, які прадэманстраваў узор лагоднай камунікацыі ў гісторыі з жанчынай, злоўленай на чужалостве.

Каб раззброіць камунікацыю, мы павінны спачатку раззброіць нашу пыху

"Каб раззброіць камунікацыю, мы павінны спачатку раззброіць нашу пыху, не лічыць сябе лепшымі за іншых і здольнымі іх асуджаць", - падкрэсліў іерарх, спасылаючыся на Святое Пісанне.

Падчас пакутнай літургіі, якую ўзначаліў айцец Джуліа Альбанэзэ, дырэктар Бюро грамадскай камунікацыі Рымскага вікарыята, былі зачытаны ўрыўкі з булы абвяшчэння Юбілею Spes non confundit Папы Францішка. У сакраманце паяднання служылі каля шасцідзесяці святароў.

Урачыстасць стала важным момантам для ўсяго журналісцкага супольніцтва, заклікаючы да пераасэнсавання ролі медыя ў сучасным свеце і іх адказнасці за распаўсюджванне надзеі і праўды.