Наступствы вайны ва Украіне на парадку дня COMECE

12-14 кастрычніка 2022 года ў Бруселі сустрэнуцца прадстаўнікі каталіцкіх епіскапатаў з краін Еўрасаюза. Яны абмяркуюць сацыяльна-эканамічныя і геапалітычныя вынікі расійскага ўварвання ва Украіну.

Аляксандр Амяльчэня - Vatican News

На восеньскім пленарным пасяджэнні Камісіі біскупскіх канферэнцый Еўрапейскай супольнасці (COMECE) будзе абмяркоўвацца таксама ўнёсак Каталіцкага Касцёла ў развіццё міру і справядлівасці. Іерархі разгледзяць сітуацыю бежанцаў і эканамічна слабых людзей, якія пакутуюць ад росту кошту энергіі і жыцця.

На сустрэчу не змогуць трапіць староннія назіральнікі. На пачатку сесіі дэлегаты епіскапатаў з усіх 27 краін Еўрасаюза будуць цэлебраваць Імшу за Еўропу. Удзел у літургіі змогуць прыняць усе, хто пажадае.