Каталіцка-англіканскі дыялог: пераадолець “экуменічную зіму”
Аляксандр Амяльчэня - Vatican News
Пошук еднасці з’яўляецца часткай хрысціянскай веры, падкрэсліў старшыня Дыкастэрыі спрыяння хрысціянскаму адзінству ў лісце, зачытаным на канферэнцыі. Ён таксама адзначыў, што за апошнія гады пагроза разыходжання хрысціянскіх канфесій не зменшылася. У той час як Каталіцкі Касцёл моцна падкрэслівала адзінае разуменне сакрамэнтаў і касцёльнага служэння, пратэстанцкія супольнасці моцна акцэнтуюць плюралізм канфесій.
“З аднаго боку, на папярэдніх этапах экуменічнага руху ўдалося дасягнуць далёка ідучай і здавальняючай згоды па многіх раней спрэчных індывідуальных пытаннях, якія тычацца разумення веры і тэалагічнай структуры Касцёла”, - заўважыў кардынал Кох. З іншага боку, большасць рознагалоссяў, якія ўсё яшчэ існуюць, сканцэнтраваны на разуменні адзінства Касцёла, і тут назіраецца вялікая розніца ў падыходзе.
Гаспадар Ламбэтскай канферэнцыі, духоўны кіраўнік Англіканскай Царквы, архіепіскап Джасцін Уэлбі незадаволены ходам дыялогу з іншымі хрысціянскімі Цэрквамі. “Экуменізм – гэта адзін з самых вялікіх выклікаў”, - заявіў ён 3 жніўня 2022 года ў размове з журналістамі ў Лондане. “Я займаю пасаду ўжо дзевяць з паловай гадоў і павінен прызнаць, што мне вельмі сорамна з прычыны адсутнасці значнага прагрэсу”, - прызнаўся архіепіскап Кентэрберыйскі.
Па яго словах, праз 500 гадоў пасля Рэфармацыі Цэрквы прызвычаіліся да падзелу, “і быць індывідуальнасцю і аўтаномнасцю з’яўляецца часткай нашай філасофіі”. Іерарх падкрэсліў неабходнасць новага пачатку, каб завяршыць тое, што часта называюць “экуменічнай зімой”.
