Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Знос касцёла ў нямецкім Імерат для пашырэння вугальнай распрацоўкі Знос касцёла ў нямецкім Імерат для пашырэння вугальнай распрацоўкі 

Змена прызначэння каталіцкіх храмаў – выклік для Касцёла

Ватыканская канферэнцыя пад назвай “Бог тут больш не жыве?” зоймецца касцёльнымі аб’ектамі ў цэлым і пытаннем каталіцкіх культурных каштоўнасцей.

Міжнародная канферэнцыя, прысвечаная змене функцый зачыненых касцёлаў, у канцы лістапада пройдзе ў Рыме. Як паінфармавала Папская рада па культуры, сход пад назвай “Бог тут больш не жыве?” зоймецца як касцёльнымі аб’ектамі ў цэлым, так і пытаннем каталіцкіх культурных каштоўнасцей. Для гэтай мэты 29 і 30 лістапада 2018 г. сустрэнуцца разам эксперты епіскапатаў Еўропы, Паўночнай Амерыкі і Акіяніі.

Арганізатарам сустрэчы з’яўляецца ўзгаданая ватыканская дыкастэрыя ў супрацоўніцтве з італьянскай біскупскай канферэнцыяй і Папскім грыгарыянскім універсітэтам.

Па словах новага прэфекта Адміністрацыі маёмасці Апостальскай Сталіцы, біскупа Нунцыа Галанціна, былога генеральнага сакратара італьянскага епіскапату, Касцёл у Італіі мае каля 65 тыс. храмаў. Да гэтага варта дадаць касцёлы, якія належаць дзяржаве або прыватным уладальнікам. Іерарх не назваў колькасці культавых будынкаў, функцыі якіх плануецца змяніць, паколькі, як адзначыў, да гэтага часу пытанне не дастаткова вывучана. У той жа час ён сказаў, што не разумее сітуацыі, калі для ўваходу ў касцёлы прадаюцца квіткі.

У іншай еўрапейскай краіне, Аўстрыі, ужо былі ўнесены змены ў парадак выкарыстання некаторых храмаў. У апошнім нумары часопіса “Datum” старшыня аўстрыйскай біскупскай канферэнцыі, кардынал Крыстаф Шонборн паведаміў, што некалькі касцёлаў, куды прыходзіла няшмат вернікаў, перадалі праваслаўным. “У Вене назіраецца росквіт хрысціянскага жыцця, якое не звязана непасрэдна з Каталіцкім Касцёлам”, - сказаў арцыбіскуп Вены. На яго думку, сітуацыя, калі каталіцкія храмы выкарыстоўваюць праваслаўныя, – лепшае рашэнне, чым “ператварэнне іх у гандлёвыя цэнтры і рэстараны”.

Навіна ў фармаце аўдыё
12 ліпеня 2018, 11:41
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930