የተባበሩት መንግስታት ሪፖርት፣ እ.አ.አ በ2025 ዓ.ም 645 ሚሊዮን ሰዎች ረሃብ አጋጥሟቸዋል ብሏል

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

በአምስት የተባበሩት መንግስታት ኤጀንሲዎች በጋራ የተዘጋጀው የዓለም የምግብ ዋስትና እና የአመጋገብ ሁኔታ ሪፖርት፣ እ.አ.አ በ2025 ዓ.ም 7.8% የሚሆነውን የዓለም ህዝብ የሚወክሉ ወደ 645 ሚሊዮን የሚጠጉ ሰዎች ረሃብ አጋጥሟቸዋል።

ሪፖርቱ የተዘጋጀው በተባበሩት መንግስታት የምግብ እና የእርሻ ድርጅት (FAO)፣ በዓለም የምግብ ፕሮግራም (WFP)፣ በዓለም ጤና ድርጅት (WHO)፣ በተባበሩት መንግስታት የህፃናት ፈንድ (UNICEF) እና በአለም አቀፍ የግብርና ልማት ፈንድ (IFAD) ሲሆን በዚህ ሳምንት በሮም በሚገኘው የFAO ዋና መሥሪያ ቤት ሪፖርቱ በይፋ ተገልጿል።

በተባበሩት መንግስታት የምግብ እና የእርሻ ድርጅት (FAO)፣ በተጀመረው ጅምር ላይ የ645 ሚሊዮን ሰዎች በቁጥር በአህጉራት ሁሉ የዓለም ረሃብ መቀነሱን እንደሚያሳይ አመልክቷል፤ ይህም እ.አ.አ ከ2024 ዓ.ም ጋር ሲነጻጸር ከ14 ሚሊዮን ሰዎች ያነሱ እና እ.አ.አ ከ2022 ዓ.ም ከፍተኛ ደረጃ ጋር ሲነጻጸር 43 ሚሊዮን ያነሱ ሰዎች ረሃብ እያጋጠማቸው መሆኑን አመልክቷል። በተጨማሪም የምግብ ዋስትና በተለይም በደቡብ አሜሪካ እና በደቡብ እስያ በከፍተኛ ሁኔታ መሻሻሉን ገልጿል።

ነገር ግን የተባበሩት መንግስታት ኤጀንሲዎች ቁጥሩ አሁንም አስደንጋጭ መሆኑን እና የጂኦፖሊቲካል ውጥረቶች እና ከአየር ንብረት ጋር የተያያዙ አደጋዎች ዓለም አቀፍ የምግብ ስርዓቶችን አደጋ ላይ ሊጥሉ ስለሚችሉ አስቸኳይ እርምጃ መውሰድ እንደሚያስፈልግ ያስጠነቅቃሉ።

ለዓለም አቀፍ የምግብ ስርዓቶች ስጋት የሆኑ ችግሮች የቅርብ ጊዜ ውጤቶችን አደጋ ላይ ሊጥሉ ይችላሉ

የተባበሩት መንግስታት የምግብ እና የእርሻ ድርጅት (FAO)፣ ዋና ኢኮኖሚስት ማክሲሞ ቶሬሮ ከሮይተርስ ጋር ባደረጉት ቃለ ምልልስ፣ ዋና ኢኮኖሚስት ማክሲሞ ቶሬሮ እንዳሉት፣ በተለይም ለኃይል እና ለግብርና ግብዓቶች ቁልፍ መንገድ በሆነው የሆርሙዝ ወሽመጥ በኩል የሚደረጉ የመርከብ መስተጓጎሎች ከታላላቅ አስቸኳይ ስጋቶች መካከል ናቸው፣ በተለይም እንዲህ ያሉት መስተጓጎሎች የነዳጅ፣ የማዳበሪያ እና የመጓጓዣ ዋጋ እንዲጨምር በማድረግ በዓለም አቀፍ ደረጃ የምግብ ምርት ወጪን ይጨምራሉ።

ከዚህም በላይ የተባበሩት መንግስታት የምግብ እና የእርሻ ብርና ድርጅት (FAO)፣ ኢኮኖሚስት ጠንካራ የሆነ የኤልኒኖ የአየር ሁኔታ ተጋላጭ በሆኑ ክልሎች የግብርና ምርትን በማስተጓጎል ተጨማሪ ጫና ሊፈጥር እንደሚችል አስተውለዋል።

የተገኙትን እምርታዎች ለማስቀጠል የተቀመጡ ፖሊሲዎች አስፈላጊነት

በሪፖርቱ ጅማሬ ላይ የFAO ዋና ዳይሬክተር ዶ/ር ኩ ዶንግዩ የሪፖርቱ ግኝቶች "የተወሰነ የፖሊሲ እርምጃ ውጤት ሊያመጣ እንደሚችል" ያሳያሉ ያሉ ሲሆን ነገር ግን፣ አዎንታዊ እድገቶች ቢኖሩም፣ ዋና ዳይሬክተሩ የቅርብ ጊዜ ግኝቶችን ለማስቀጠል እና ለማፋጠን ስራው መቀጠል እንዳለበት አጥብቀው ተናግረዋል።

309 ሚሊዮን አፍሪካውያን - ከአምስት አንዱ - በቂ ምግብ እጥረት አለባቸው

ሪፖርቱ እንዳመለከተው በአፍሪካ 309 ሚሊዮን የሚሆኑ ሰዎች የምግብ እጥረት አለባቸው እና ፈጣን የህዝብ ቁጥር መጨመር በሚቀጥሉት ዓመታት ውስጥ የተራቡ ሰዎች ቁጥር እንዲጨምር ሊያደርግ ይችላል በማለት የገለጸ ሲሆን በአህጉሪቱ የረሃብ ስርጭት እ.አ.አ በ2024 ዓ.ም ከነበረው 20.3 በመቶ 2025 ዓ.ም ወደ 20.0 % ቀንሷል፣ ይህም እ.አ.አ ከ2017 ዓ.ም ወዲህ የአፍሪካ የረሃብ አዝማሚያ ለመጀመሪያ ጊዜ መቋረጥን የሚያሳይ ነው፣ የተባበሩት መንግስታት ኤጀንሲዎች ከአምስት አፍሪካውያን አንዱ ረሃብ እያጋጠመው መሆኑን በድጋሚ ደግመው ተናግረዋል።

የህፃናት የተመጣጠነ ምግብ እጥረት አሁንም ከፍተኛ ነው።

የተባበሩት መንግስታት ኤጀንሲዎች አሳሳቢ የሆነ ዓለም አቀፍ እይታ ያቀርባሉ። ወደፊት ስንመለከት፣ ሪፖርቱ እ.አ.አ በ2030 ዓ.ም ወደ 520 ሚሊዮን የሚጠጉ ሰዎች አሁንም ረሃብ ሊያጋጥማቸው እንደሚችል ይገምታል፣ ይህም ዓለምን የዘላቂ ልማት ግብ 2 (ዜሮ ረሃብ) ለማሳካት ከመንገዱ ውጪ ያደርገዋል።

ከዚህም በላይ ሪፖርቱ እንደሚያሳየው የህፃናት የተመጣጠነ ምግብ እጥረት በከፍተኛ ሁኔታ እየጨመረ፣ በሴቶች ላይ የደም ማነስ እየተባባሰ መጥቷል፣ እና የአዋቂዎች ውፍረት ያለማቋረጥ እየጨመረ መጥቷል አክሎ ገልጿል።

ቅድሚያ የሚሰጣቸው ጉዳዮች እና አቤቱታዎች

ሪፖርቱ ይፋ በሆነበት ወቅት፣ ኤጀንሲዎቹ "የምግብ፣ የኃይል እና የግብርና ግብዓት ገበያዎች ክፍት እንዲሆኑ ማድረግ፣ የኤክስፖርት ገደቦችን ማስወገድ እና ለአደጋ ተጋላጭ ለሆኑ ህዝቦች የታለሙ የማህበራዊ ጥበቃ ፕሮግራሞችን ማጠናከር" አስፈላጊ መሆኑን አፅንዖት ሰጥቶ ገልጿል።

ከዚህም በላይ፣ ገበሬዎች "የመትከል ውሳኔዎች ከመቀልበሳቸው በፊት" ማዳበሪያዎችን፣ ጥራት ያላቸውን ዘሮችን፣ ውሃ፣ ብድር እና ሌሎች አስፈላጊ ግብዓቶችን ማግኘት መቻላቸውን መንግስታት እና የልማት አጋሮች እንዲያረጋግጡ አሳስበዋል።

በእርሻ ምግብ ስርዓቶች ላይ "በተለይ በመስኖ፣ በማከማቻ ተቋማት፣ በቀዝቃዛ ሰንሰለቶች፣ በትራንስፖርት መሠረተ ልማት፣ በቅድመ ማስጠንቀቂያ ስርዓቶች እና በተጠባባቂ የድርጊት ዘዴዎች" ላይ የረጅም ጊዜ ኢንቨስትመንቶች እንዲደረጉ ጥሪ አቅርበዋል።

እንዲህ ያሉ ኢንቨስትመንቶች እንደሚሉት፣ የገንቢ ምግቦችን ዋጋ ሊቀንሱ፣ ለአደጋዎች የመቋቋም አቅምን ሊያሻሽሉ እና ጤናማ ምግቦችን የበለጠ ተመጣጣኝ ሊያደርጓቸው ይችላሉ ሲል ሪፖርቱ አክሎ ገልጿል።