ኢኮኖሚውን እንደገና ማስጀመር፡- ኢኮኖሚውን በኢዮቤልዩ ብርሃን እንደገና ማሰብ!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

ኢኮኖሚው ሲቆም ምን ይሆናል? ስለ አክሲዮን አመላካች መረጃዎች ወይም ስለ ማክሮ ኢኮኖሚ መረጃ አንነጋገርም፣ ነገር ግን ስለ ኢኮኖሚ ስርዓቶቻችን ጥልቅ አቅጣጫ፡ ለእነሱ የምንሰጠው ትርጉም፣ ስለቀመጡት  አቅጣጫዎች እንመለከታለን።

ማቆም ኢኮኖሚያዊ ሊመስል ይችላል። ሆኖም ግን፣ መጽሐፍ ቅዱሳዊው ኢዮቤልዩ የሚነግረን እንዲህ ነው፣ የባለቤትነት ስልቶች የሚቋረጡበት፣ ዕዳዎች የሚሰረዙበት፣ መሬት የሚያርፍበት እና ባሪያዎች የሚለቀቁበት ጊዜ ነው። ኢኮኖሚው ግብ ሳይሆን መሳሪያ መሆኑን ለማስታወስ የተለመደውን አመክንዮ የሚገለብጥ ጊዜ ነው።

የጥንታዊው ኢዮቤልዩ ሌላ ሊሆን የሚችል ኢኮኖሚ ዱካ ቢይዝስ? ገደቦችን የሚያውቅ፣ ጊዜን ወይም ሰዎችን የማይወስድ፣ ለእንክብካቤ እና ለግንኙነቶች ቦታ የሚሰጥ ጊዜ።

ምድርን ለመንከባከብ የማይዘገይ፣ ጉልበትን ከድካም የሚያላቅቅ፣ ዕዳን እንደ ቅጣት ሳይሆን ለመፈወስ እንደ ተዘጋጀ ቁስል አድርጎ የሚያይ ኢኮኖሚ። በቂ ዋጋን እንደገና የሚያገኝ ኢኮኖሚ - በእድገት ብቻ ሳይሆን በጽናት፣ በማካፈል፣ በመተው አቅም መገንባት የሚችል ኢኮኖሚ።

ይህ ኢኮኖሚውን እንደገና ማስጀመር የሚለው ራዕይ ነው፣ በ"ፍራንችስኮስ ኢኮኖሚ" እ.አ.አ ከህዳር 28 እስከ 30/2025 ዓ.ም በካስቴል ጋንዶልፎ የሚካሄደው ዓለም አቀፍ ስብሰባ ላይ ከሚነሱት ዋና ዋና ጉዳዮች መካከል ጥቂቶቹ ናቸው።

"የፍራንችስኮስ ኢኮኖሚ" እ.አ.አ በ2019 ዓ.ም በቀድሞ ርዕሰ ሊቀ ጳጳስ ፍራንችስኮስ ግብዣ የተጀመረ የወጣት ኢኮኖሚስቶች፣ ሥራ ፈጣሪዎች እና የለውጥ አራማጆች ዓለም አቀፍ አውታረ መረብ ነው። ከእውነተኛ፣ ከአካባቢያዊ ተሞክሮ ጀምሮ የበለጠ ፍትሃዊ፣ ሁሉን አቀፍ እና ዘላቂ ኢኮኖሚ ለመገንባት ቁርጠኛ የሆኑ ሰዎችን ከእያንዳንዱ አህጉር ያሰባስባል።

ይህ ባሕላዊ የሆነ ኮንፈረንስ ሳይሆን ዓለም አቀፍ የማዳመጥ፣ የውይይት እና የአስተሳሰብ ቤተ ሙከራ ወይም ላቦራቶሪ ይሆናል። ከተለያዩ ዳራዎች የተውጣጡ ወጣቶች በሦስት ቁልፍ ቃላት ዙሪያ አብረው የሚጓዙበት ቦታ ነው፥ እነዚህም እረፍት፣ ነፃነት፣ መልሶ ማቋቋም የተሰኙት ናቸው። ይህ የጋራ ነጸብራቅ የተመሠረተው ሀሳቦችን ብቻ ሳይሆን በራሳቸው አውድ ውስጥ አዳዲስ የኢኮኖሚ ሞዴሎችን በመገንባት በየቀኑ የሚፈትናቸው ሕያው ማህበረሰብ ውስጥ ነው።

ከስብሰባው በፊት ባሉት ቀናት፣ ከፍራንችስኮስ ማህበረሰብ የተውጣጡ በርካታ ድምጾች ይህንን ጉዞ በቫቲካን ኒውስ ላይ ከሚታተሙ አጫጭር የአርትዖት ተከታታይ ጽሑፎች ጋር አብረው ይጓዛሉ። እያንዳንዱ ሰው ከኢዩበሊዩ መንፈስ ጋር ወደ ውይይት ለማምጣት ይጥራል፣ ከአንዳንድ አጣዳፊ ጥያቄዎች ጀምሮ፣ ዛሬ ሥራን ነፃ ማውጣት ምን ማለት ነው? አሁንም ዕዳን ይቅር ማለት ይቻላል? ምድር የማረፍ መብት አላት ወይ?

እያንዳንዱ ድምጽ የተለየ አመለካከት ይሰጣል፣ ነገር ግን ሁሉም የሚመነጩት ከተመሳሳይ ግንዛቤ ነው፣ ኢዩበሊዩ ከጥንታዊ ምልክቶቹ ጋር፣ የዛሬውን ቀውሶች ለማለፍ አዳዲስ መጋጠሚያዎችን ሊያቀርብ ይችላል። ከሥነ-ምህዳር ፍትህ እስከ የጉልበት ክብር፣ ከዕዳ እፎይታ እስከ ገደቦች መንፈሳዊነት፣ እያንዳንዱ አርታኢ በኢኮኖሚያዊ ግንዛቤ ውስጥ ትንሽ ልምምድ ይሆናል።

አንድ ፍጹም ኢኮኖሚ ላይኖር ይችላል፣ ነገር ግን ወደ ፍትህ አቅጣጫ ሊያመሩ የሚችሉ ምልክቶች አሉ። እና በመጨረሻም፣ ኢዩበሊዩ የሚያስታውሰን ይህን ነው፣ ማቆም የጊዜ ማባከን አይደለም - የምርጫ መጀመሪያ ነው።