ካርዲናል ፓሮሊን 'በሰው ሰራሽ አስተውልኾት ዘመን የህፃናትን ክብር መጠበቅ ይገባል' ማለታቸው ተገለጸ

የዚህ ዝግጅት ዝቅራቢ መብራቱ ኃ/ጊዮርጊስ-ቫቲካን

የቫቲካን ዋና ጸኃፊ የሆኑት ካዲናል ፒዬትሮ ፓሮሊን በሮም በሚካሄደው ዓለም አቀፍ ኮንፈረንስ ላይ ለተሳታፊዎች “በአርቴፊሻል ኢንተለጀንስ 'ሰው ሰራሽ አብርኾት' ዘመን የህፃናት እና የጉርምስና ክብር” የሚል መልእክት ልከዋል። የሰው ልጅ የሰውን ክብር የማያከብሩ አርቲፊሻል ኢንተለጀንስ 'ሰው ሰራሽ አብርኾት' ህይወት ቅርጾችን በመፍጠር "የራስ ማጥፋትን" ሊያስከትል ስለሚችል ያለውን አደጋ በማስጠንቀቅ፣ ካርዲናል ፒዬትሮ ፓሮሊን የተቀናጀ "የተለያዩ እና ባህላዊ ጥረቶች" እንዲደረግ ጥሪ አቅርበዋል።

"በአዲስ ዘመን ደፍ ላይ ነን፣ ወይስ የሰው ልጅ ፈጥኖም ይሁን ዘግይቶ ሰው ሰራሽ የህይወት ዓይነቶችን በማስተዋወቅ የራሱን መጥፋት ያመጣል? የሰው ልጅ ክብርን የማያደንቁ ተራ ማስመሰያዎችን እንለውጣለን?" ሲሉ በቦታው የተገኙትን ሰዎች የስነ-ምግባር፣ የህግ፣ ማህበራዊ እና አንትሮፖሎጂያዊ (ሥነ-ሰባዊ) አንድምታዎችን እንዲያስቡ በመጋበዝ ጠይቀዋል።

የትምህርት፣ የሳይንስ እና የቴክኖሎጂ ዓለም ባለሥልጣን ሰዎች ተሳትፎን የሚያይበት ዓለም አቀፍ ኮንፈረንስ የተዘጋጀው በጣሊያን የህፃናት የእርዳታ መስጫ መስመር፣ 'ቴሌፎኖ አዙሮ' እና በልጅነት እና በጉርምስና ዕድሜ ላይ የሚደረገውን ጥናት እና ምርምር በሚመራው ፋውንዴሽን ቻይልድ የተሰኙ ድርጅቶች የተዘጋጀ ሥብሰባ ነው።

የህልውና እና የሞራል ጉዳዮች

ካርዲናሉ በመልእክታቸው ርዕሰ ጉዳዩ በተለይ ጠቃሚ እንደሆነ ገልጸዋል፣ ምክንያቱም የህፃናትን ጥበቃ እና ክብር የሚነካ በመሆኑ፣ "ዛሬ እና ወደፊት የሰው ልጅ ከሚያጋጥሙት ታላላቅ ተግዳሮቶች አንዱ" ነው ያሉት ካርዲናል ፒዬትሮ ፓሮሊን ሳይንስ እና ቴክኖሎጂ የሚያቀርባቸውን አዎንታዊ "እድሎች" ተቀብሎ አምነዋል፣ ይህም ለሰው ልጅ ነፃነት እና ኃላፊነት የማይቀር አስተዋጽኦ ያደርጋል። ሆኖም፣ እነዚህ ፈጣን እድገቶች፣ በተለይም በአርቴፊሻል ኢንተለጀንስ፣ "ከዚህ በፊት እምብዛም የማይታዩ የህልውና እና የሞራል ጥያቄዎችን" ያስነሳሉ ሲሉ ሥጋታቸውን አክለው ገልጸዋል።

ወደ ሰው እና መንፈሳዊ እድገት

በዚህ ምክንያት፣ ካርዲናል ፓሮሊን "ለሰው ልጆች፣ ለሰብአዊ ማህበረሰብ እና ለአጠቃላይ ፍጥረት ጥቅም ሲባል የዲጂታል ዘመን እድሎችን እና አደጋዎችን መገምገም" እንደሚኖርበት አበረታተዋል። እንዲህ ዓይነቱ ግንዛቤ "በተጨባጭ እርምጃ ላይ ተገቢ መደምደሚያዎችን ለማድረግም ጠቃሚ ነው፣ ለምሳሌ በፖለቲካ፣ በሕግ፣ በትምህርት እና በማህበራዊ ድጋፍ አገልግሎቶች ዲዛይን፣ ይህ ሁሉ የጉዳዩን ውስብስብነት እና የሰው ልጅ እውነታዎችን ልዩነት በትክክል ለመገንዘብ ከፈለግን ብቻ በዘርፈ ብዙ እና ባህላዊ ጥረቶች ብቻ ነው ሊፈጸም የሚችለው” ሲሉ በመልእክታቸው መግለጻቸው ተዘግቧል።

ካርዲናል ፒዬትሮ ፓሮሊን እ.አ.አ በ2017 ዓ.ም በጳጳሳዊው ግሪጎሪያን ዩኒቨርሲቲ በተካሄደው የዓለም የህፃናት ክብር በዲጂታል ዓለም ኮንግረስ ላይ የቀድሞ ርዕሰ ሊቃነ ጳጳሳት ፍራንችስኮስ የተናገሩትን በማስታወስ መልእክታቸውን ደምድመዋል፡- “ቴክኖሎጂን ለመገደብ እና ለመምራት የሚያስፈልገው ነፃነት አለን፤ ይህንንም ለሌላ ዓይነት እድገት አገልግሎት ልንሰጠው እንችላለን፣ ይህም ጤናማ፣ የበለጠ ሰብአዊ፣ የበለጠ ማህበራዊ፣ የበለጠ የተቀናጀ ነው” ብለው መናገራቸውንም አስታውሰዋል።