ርዕሠ ሊቃነ ጳጳሳት ሊዮ ከአውሮፓ ምክር ቤት ፕሬዝዳንት ጋር ተወያዩ

የዚህ ዝግጅት አቅራቢ ዮሐንስ መኰንን - ቫቲካን

ርዕሠ ሊቃነ ጳጳሳት ሊዮ አሥራ አራተኛ፥ ረቡዕ ሚያዚያ 21-2018 ዓ. ም. ከሰዓት በኋላ ከአውሮፓ ምክር ቤት ፕሬዝዳንት ከአቶ አንቶኒዮ ኮስታ ጋር በስልክ መወያየታቸውን የቅድስት መንበር መግለጫ ክፍል ዘግቧል።

መግለጫው ርዕሠ ሊቃነ ጳጳሳት ሊዮ 14ኛ እና የአውሮፓ ምክር ቤት ፕሬዝዳንት በመካከለኛው ምሥራቅ ስላለው ሁኔታ፣ በተለይም በፍልስጤም ግዛት ውስጥ ስለ ዌስት ባንክ እና በደቡባዊ ሊባኖስ የሚገኙ ክርስቲያኖች ሁኔታ ላይ ትኩረት በመስጠት መወያየታቸውን አስታውቋል።

የቅድስት መንበር መግለጫ በተጨማሪም ቅዱስነታቸው በቅርቡ ወደ አልጄሪያ፣ ካሜሩን፣ አንጎላ እና ኢኳቶሪያል ጊኒ ባደረጓቸው የአፍሪካ ሐዋርያዊ ጉዞዎች ላይ አስተያየት መስጠታቸውን አስታውቋል።

“ርዕሠ ሊቃነ ጳጳሳት ሊዮ በስልክ ግንኙነታቸው፥ በሃይማኖቶች መካከል ስለሚደረግ ውይይት፣ ሰላምን ለማስፋፋት የሚደረግ ጥረት እና በአኅጉሪቱ ውስጥ እጅግ ለተቸገሩ ማኅበረሰቦች ድጋፍ በመስጠት አስፈላጊነት ላይ አፅንዖት ሰጥተዋል” ሲል መግለጫው አክሏል።