ር.ሊ.ጳ ሊዮ በመካከለኛው ምስራቅ ለተጎዱ ሰዎች አዝነዋል፣ ለሰላምም እንጸልይ ብለዋል።

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

ርዕሰ ሊቃነ ጳጳሳት ሊዮ አሥራ አራተኛ በመካከለኛው ምስራቅ ለተገደሉት ብዙ ንፁሃን ሰዎች፣ በተለይም ለህፃናት እና ሕጻናትን ለሚከባከቡ ሰዎች፣ በተለይም ለአባ ፒየር ኤል-ራሂ፣ ለሞቱት ሰዎች ጥልቅ ሀዘናቸውን ገልጸዋል።

"ርዕሰ ሊቃነ ጳጳሳት ሊዮ አሥራ አራተኛ በእነዚህ ቀናት በመካከለኛው ምስራቅ በተፈፀሙት የቦምብ ጥቃቶች ሰለባዎች፣ ለብዙ ንፁሃን ሰዎች፣ ብዙ ልጆችን ጨምሮ፣ እና ዛሬ ከሰዓት በኋላ በቁላያ በተገደሉት የማሮናይት ቄስ አባ ፒየር ኤል-ራሂ ላሉ እርዳታ ላደረጉላቸው ሰዎች ጥልቅ ሀዘናቸውን ገልጸዋል" ሲል መግለጫውን አስነብቧል። "እየተከናወነ ያለውን ነገር በጭንቀት እየተከታተለ ሲሆን እያንዳንዱ ጥላቻ በተቻለ ፍጥነት እንዲቆም ጸልዮአል"።

የሊባኖስ ሚዲያ እንደዘገበው፣ የማሮናይት የካቶሊክ ቄስ ሰኞ ዕለት በሊባኖስ ቋሊያ ቤታቸው በእስራኤል ታንክ የተተኮሰባቸውን ምዕመናን ለመርዳት ሲሞክር ተገድለዋል። ታንኩ ቤቱን እንደገና በመምታት አባ ኤልራሂን ቆስለው በአካባቢው ወደ ሚገኘው ሆስፒታል ተወስዶ የነበረ ሲሆን በገጠማቸው ከፍተኛ አደጋ የተነሳ ሕይወታቸውን ማጣታቸው ተዘግቧል።

በቲር እና ዴርሚማስ የሚገኙ የላቲን ስርዓተ አምልኮ ቁምስና  ቆመስ የነበሩት አባ ቱፊክ ቡ መርሂ ለቫቲካን ኒውስ ሲናገሩ፣ የ50 ዓመቱ አባ ኤልራሂ ለክርስቲያኖች እውነተኛ መንፈሳዊ እረኛ ነበሩ ሲል ገልጿል።

እስራኤል አካባቢውን ሕዝቡ ለቆ እንዲወጣ ብዙ የማስጠንቀቂያ ትዕዛዞች ቢኖሩም፣ አባ ኤልራሂ ትዕዛዙን ሳይቀበሉ ምዕመናንን ለማገልገል ቀጥለዋል።

አባ መርሂ እንዳሉት የቆሞስ የአባ ኤልራሂን ሞት በጣም እያዘንኩኝ፣ አሁን የሌላ ቄስ ቤት በቀጥታ ጥቃት ቢሰነዘርበትም ካህኑ በተአምር ተርፈዋል ብለዋል። “እስካሁን ድረስ ሰዎች በክርስቲያን መንደሮች ውስጥ ቤታቸውን ለመልቀቅ አልፈለጉም ነበር፣ ነገር ግን በዚህ ሁኔታ ሁሉም ነገር ተለውጧል” ብለዋል አባ መርሂ። “ከቤት መውጣት ማለት በመንገድ ላይ መኖር ወይም ሌላ ቦታ መከራየት ማለት ነው፣ ነገር ግን ሰዎች መግዛት አይችሉም፣ በተለይም አገሪቱ ቀድሞውኑ ባለው አስቸጋሪ የኢኮኖሚ ሁኔታ ምክንያት” ሲሉ ቄሱ በሐዘን ተናግረዋል።

የቅድስት ምድር ጥበቃ ፍራንችስካዊያን በአሁኑ ጊዜ 200 የተፈናቀሉ ሰዎችን፣ ሁሉም ሙስሊሞች፣ በጢሮስ በሚገኘው ገዳማቸው እያስተናገዱ ነው፣ አባ መርሂ እንዳሉት፣ ከ300,000 በላይ ሰዎች የደቡባዊ ሊባኖስን ደህንነት ሸሽተው መጠጊያ ፍለጋ ወደ እዚያ አከባቢ ማቅናታቸውን ገልጸዋል።

“በእኛ ውስጥ መሞት የሌለበት የመጨረሻው ነገር በጌታ ተስፋ ማድረግ ነው እንላለን እናም ይህንን ደጋግመን እንደግማለን፣ እሱም ሁልጊዜ እንድንቀጥል ጥንካሬን ይሰጠናል” ብለዋል አባ መርሂ። “በቂ ጦርነት፤ በቂ ዓመፅ በአሁኑ ወቅት በዓለማችን ውስጥ አለ። ርዕሰ ሊቃነ ጳጳሳቱ እንደተናገሩት የጦር መሳሪያዎች ሰላም አያመጡም፤ እልቂትን እና ጥላቻን ያመነጫሉ። የምንጠይቀው በትንሽ ክብር መኖር ብቻ ነው” ሲሉ የተማጽኖ ድምጽ አሰምተዋል።