ር.ሊ.ጳ ሊዮ 'ከኩባ ጳጳሳት ጋር በመሆን ከአሜሪካ ጋር ውይይት እንዲደረግ ጥሪ' አቅርበዋል!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

በኩባ እና በዩናይትድ ስቴትስ መካከል ያለው ውጥረት እየጨመረ በመጣበት በአሁኑ ወቅት፣ ርዕሰ ሊቃነ ጳጳሳት ሊዮ አሥራ አራተኛ ለኩባ ህዝብ ጥቅም ሲባል "ቅን እና ውጤታማ ውይይት" ሁለቱ አገራ እንዲያደርጉ ጥሪ አቅርበዋል።

በእሁድ ዕለት ጥር 24/2018 ዓ.ም በቫቲካን በሚገኘው በቅዱስ ጴጥሮስ አደባባይ ለተሰበሰቡ ምዕመናን በእለቱ ቅዱስ ወንጌል ላይ አስተንትኖ ካደረጉ በኋላ ለዓለም ባደረጉት ንግግር ርዕሰ ሊቃነ ጳጳሳቱ ስለሁኔታው "ከፍተኛ ስጋት" እንዳላቸው ገልጸዋል።

"የኩባ ጳጳሳትን መልእክት እና ጥሪ እቀላቀላለሁ፣ ቅን እና ውጤታማ ውይይትን ለማበረታታት፣ ዓመፅን እና የተወደደው የኩባ ሕዝብን ስቃይ ሊጨምር የሚችል ማንኛውንም እርምጃ ለማስወገድ ኃላፊነት ያለባቸውን ሁሉ ወደ ውይይት ይመጡ ዘንድ እጋብዛለሁ" ብለዋል።

ርዕሰ ሊቃነ ጳጳሳት ሊዮ ቅድስት ድንግል ማርያም ሁሉንም ኩባውያን እንድትጠብቅ ጸሎት ያቀረቡ ሲሆን

"የኤል ኮብሬ የበጎ አድራጎት እመቤታችን ቅድስት ማርያም የዚያች የተወደደች ምድር ልጆችን ሁሉ ትረዳ እና ትጠብቅ!" ሲሉ ተማጽነዋል።

የኩባ ጳጳሳት 'ጤናማ ብዝሃነት' የሚል ጥሪ አቅርበዋል

ቅዳሜ ዕለት ጥር 23/2018 ዓ.ም የኩባ ካቶሊክ ጳጳሳት “ለሁሉም በጎ ፈቃድ ላላቸው ኩባውያን” የሚል መልእክት አስተላልፈዋል፣ በዚህም በአገሪቱ ውስጥ እየጨመረ በመጣው የኢኮኖሚ፣ የማህበራዊ እና የሰብአዊ ሁኔታ ላይ ያላቸውን ስጋት ገልጸዋል።

“ኩባ ለውጦች ያስፈልጓታል፣ እናም ከጊዜ ወደ ጊዜ አጣዳፊ ለውጦቹ ያስፈልጋሉ፣ ነገር ግን ተጨማሪ ጭንቀት ወይም ህመም ኩባ እና ሕዝቦቿ አያስፈልጋቸውም” ሲሉ ጳጳሳቱ ጽፈዋል። “በኩባ ቤተሰቦች ውስጥ የደም መፍሰስ እና ሐዘን ይብቃ! በቅርብ ጊዜ ታሪካችን ውስጥ ብዙ ነገር አጋጥሞናልና!” በማለት በመልእክታቸው ያስፈሩት የኩባ ጳጳሳት “የታደሰች፣ የበለፀገች እና ደስተኛ ኩባ” እንደሚናፍቁ ተናግረዋል፣ ምንም እንኳን ይህ እየጨመረ የመጣውን ስቃይ ዋጋ ማስከፈል ሊተገበር እንደማይቻል አክለው ገልጸዋል።

የነዳጅ ዘይት ወደ ውጭ በሚልኩ አገሮች ላይ የአሜሪካን ታሪፍ መጣልን አስተውለዋል፣ “የማህበራዊ ትርምስ አደጋ እውን ሊሆን ነው” ብለዋል።

“የሊቀ ጳጳሱ እና የቅድስት መንበር የማይለዋወጥ አቋም፣ ከዓለም አቀፍ ሕግ ጋር በሚስማማ መልኩ” ሊተገበር ይገባዋል፣ ያሉት ርዕሰ ሊቃነ ጳጳሳቱ፣ “መንግስታት አለመግባባቶቻቸውን እና ግጭቶቻቸውን በውይይት እና በዲፕሎማሲ መፍታት መቻል አለባቸው የሚለው ነው” ሲሉ አክለው ገልጸዋል።

ይሁን እንጂ “በአንድ ሰው ሀገር ውስጥ ላለው የእያንዳንዱ ሰው ክብር እና ነፃነት መከበር በውጫዊ ግጭቶች ተለዋዋጭነት ሊገዛ ወይም ሊገደብ አይችልም” ብለዋል።

የኩባ ጳጳሳት በኩባ ውስጥ “ጤናማ ብዝሃነት እና የጋራ መከባበር የሰፈነበት አካባቢ” እንዲፈጠር ጥሪ አቅርበዋል፣ ምክንያቱም እነዚህ ምክንያቶች በዓለም አቀፍ ደረጃ ፍሬያማ ልውጥን በቀጥታ ስለሚያመጡ ሲሉ የተናገሩት ጳጳሳቱ በማጠቃለያ፣ ጳጳሳቱ የአካባቢው የካቶሊክ ቤተክርስቲያን የኩባን ህዝብ በሙሉ ወደ ክርስትና በመጋበዝ፣ ወንጌልን በማወጅ እና የተቸገሩትን ሁሉ በማገልገል ለመቀጠል ኩባ የምታደርገውን ጥረት እንደሚደግፉ ርዕሰ ሊቃነ ጳጳሳቱ ቃል ገብተዋል።