ርዕሰ ሊቃነ ጳጳሳት ሊዮ፡- ለሰላም ድምፃችንን እናሰማ ማለታቸው ተገለጸ!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

እነዚህ ከላይ የተጠቀሱት ቃላት የርዕሰ ሊቃነ ጳጳሳት ሊዮ 14ኛ ቃሎች ነበሩ፣ ልክ እንደተለመደው ማክሰኞ በካስቴል ጋንዶልፎ በሚገኘው መኖሪያቸው ወደ ቪላ ባርበሪኒ ሲሄዱ ለጣሊያን ቴሌቪዥን በሰጡት አጭር መግለጫ ላይ ነበር ቅዱስነታቸው ይህንን የተናገሩት።

በመካከለኛው ምስራቅ ስላለው ሁኔታ፣ በተለይም በፋርስ ባሕረ ሰላጤ የባሕር ቀጠና ውስጥ በአሜሪካ የአውሮፕላን ተሸካሚ አብርሃም ሊንከን መርከብ የሚመራ የባህር ኃይል ጥቃት ቡድን መኖሩን ጋዜጠኞች ሲጠይቁ፣ ርዕሰ ሊቃነ ጳጳሳቱ የሰላም ጥሪያቸውን በድጋሚ አቅርበዋል።

“እኛ ትንንሽ ልጆች ድምፃችንን ከፍ አድርገን ሁልጊዜም ውይይት ማድረግ እንችላለን እንጂ ሁከትን አንፈልግም” ብለዋል፣ “በተለይም በዚህ የሾሃን መታሰቢያ ቀን” ሲሉ ቅዱስነታቸው የተናገሩ ሲሆን ዛሬ የሆሎኮስት መታሰቢያ ቀን በመሆኑ፣ ርዕሰ ሊቃነ ጳጳሳት ሊዮ ቀደም ብለው በX አካውንታቸው @Pontifex ላይ “ሁሉንም ዓይነት ፀረ-ሴማዊነት እንዋጋ” ሲሉ መልእክት ማስተላለፋቸው ይታወሳል።