ር.ሊ.ጳ. ሊዮ ሳይዋጡ ወይም ሳይመሳሰሉ በውይይት ላይ ይሳመሳ ተፉ ማለታቸው ተገለጸ!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

ርዕሰ ሊቃነ ጳጳሳት ሊዮ 14ኛ ሐሙስ ጥር 21/2018 ዓ.ም በቫቲካን በተካሄደው ጠቅላላ ጉባኤ ላይ ለተሳተፉት የሬኙም ክሪስቲ የሐዋርያዊ ሕይወት ማኅበራት ተወካዮች በተልእኳቸው ውስጥ የበጎ ተግባርን፣ የመልካም አስተዳደርን እና የኅብረት አስፈላጊነት ጉዳይ ላይ አፅንዖት ሰጥተው ተናግረዋል።

“ዛሬ ከመቼውም ጊዜ በበለጠ፣ ሳይዋጡ ወይም ሳይመሳሰሉ ከኅብረተሰቡ ጋር እውነተኛ ውይይት ለማድረግ ከፈለግን ማን እንደሆንን ማወቅ አስፈላጊ ነው” ሲሉ ርዕሰ ሊቃነ ጳጳሳት ሊዮ 14ኛ ተናግረዋል።

ሬኙም ክሪስቲ በሦስት ክፍሎች የተዋቀረ ዓለም አቀፍ የካቶሊክ ፌዴሬሽን ነው፡ የክርስቶስ ሰራዊት፣ የማሕበራት ጉባኤ፣ እና ሁለት የሐዋርያዊ ሕይወት ማኅበራት፣ አንዱ በሴቶች ገዳማዊያት እና ሌላው ደግሞ በወንዶች ገዳማዊያን የተመሰረተ ነው።

ርዕሰ ሊቃነ ጳጳሳቱ በጠቅላላ ጉባኤያቸው የማኅበራት አባላት በሬኙም ክሪስቲ ውስጥ ስላሉት የተለያዩ አካላት በጎነት "ማሰላሰልና መወያየት" እንደቻሉ አጉልተው ገልጸዋል። የመንፈስ ቅዱስ ስጦታ "በማሕበራቱ ውስጥ ሕይወትንና ሕያውነትን ሲያመነጭ፣ የተወሰነ ማንነት እንደሚሰጠው" አብራርተዋል፣ ይህም "በቤተ ክርስቲያን እና በዓለም ውስጥ መገኘታቸውን" እንዲታወቅ ያደርገዋል ብለዋል።

"የምትኖሩበትን አውድ - የጥሪያችሁን ልዩ ዓላማ - ወንጌልን ለመስበክ ማንነታችሁን የበለጠ ግልጽ በሆነ መንገድ መግለጽ አስፈላጊ ነው" ብለዋል ርዕሰ ሊቃነ ጳጳሳት ሊዮ።

"በጎነትን የሚቀበል እያንዳንዱ እህት እና ወንድም" ተልዕኮውን ሕያው እንዲያደርግ እና የወደፊት ትውልዶችን እንዲያነሳሳ "እነሱም በተራቸው እንዲወዱት እና የአገልግሎታቸው ምንጭ እንዲሆን" እንዲያነሳሳ ተጠርቷል ሲሉ አፅንዖት ሰጥተው ተናግረዋል።

ወደ አስተዳደር ርዕስ ሲመለሱ፣ ርዕሰ ሊቃነ ጳጳሳት ሊዮ "በሐዋርያት ማኅበረሰብ ውስጥ አስፈላጊ አገልግሎት እና አባላት፣ ክርስቶስን በመከተል ንቃተ ህሊና፣ ነፃ እና ኃላፊነት የሚሰማው ታማኝነት" የሚያጅብ አገልግሎት እንዲኖራቸው የሚረዳው መልካም አስተዳደር መሆኑን ገልጸዋል።

“እያንዳንዱ ተቋምና ማህበረሰብ ከልዩ በጎነትና ከመንፈሳዊነት ጋር በሚስማማ መልኩ የራሱን የአስተዳደር ስልት እንዲለይ ተጠርቷል” ያሉት ቅዱስነታቸው “እውነተኛ የወንጌላዊ አስተዳደር” ሁልጊዜ አባላቱን ለማገልገል ወደ ክርስቶስ እንዲቀርቡ ለመርዳት ያተኮረ መሆኑን አጉልተው ገልጸዋል።

እንዲያውም ተሳታፊዎቹ “አዳዲስ የአስተዳደር ሞዴሎችን ለመሞከር እንዳይፈሩ” አሳስበዋል።

“በተቃራኒው፣ በስልጣን አጠቃቀም ውስጥ የራስን ስልት የጋራ ፍላጎት ማህበራትን እና የግል አባሎቻቸውን የሚያበለጽጉ ብቻ ሳይሆን፣ የጋራ ተልዕኮን የመሳተፍ እና የማሳተፍ ስሜትን የሚያጠናክሩ መንገዶችን እንደሚከፍት ማስታወስ ጥሩ ነው” ሲሉ ርዕሰ ሊቃነ ጳጳሳቱ አጥብቀው ተናግረዋል።

በመጨረሻም፣ ርዕሰ ሊቃነ ጳጳሳት ሊዮ በሬኙም ክሪስቲ ቤተሰብ ውስጥ ህብረትን የማስፋፋት አስፈላጊነትን አመልክተዋል፣ እግዚአብሔር በእውነታዎቻቸው ውስጥ የጠራቸውን ጥሪ እየኖሩ በመሆኑ ቅዱስነታቸው ምስጋና አቅርበዋል።

“በምስጢረ ጥምቀት ክብር እና በተለያዩ የጥሪ ዓይነቶች ውስጥ አንድነት እርስ በርሱ የሚቃረን አይደለም፣   ይልቁንም እርስ በእርሳቸው አንዱ አንዱን ያበራል” ብለዋል። “በልዩነት ውስጥ ያለው ሕያው ኅብረት የመንፈስ ቅዱስ ሥራ ሲሆን እያንዳንዱን ጥሪ ለሌሎች አገልግሎት የሚለውጠው የክርስቶስ አካል በታሪክ ውስጥ እንዲያድግ እና በዓለም ውስጥ ያለውን ተልዕኮ እንዲፈጽም ነው” ብለዋል።

“ሁላችንም በጉዞ ላይ ነን፣ እግዚአብሔር ትናንትና ዛሬ በነበሩት ነቢያት አማካኝነት ሕልሞቹን ማነሳሳቱን የቀጠለው፣ የሰው ልጅን ከጥንትና ከአዳዲስ የባርነት ዓይነቶች ነፃ ለማውጣት፣ ወጣትና አዛውንትን፣ ድሆችንና ባለጠጎችን፣ ወንዶችንና ሴቶችን፣ ቅዱሳንንና ኃጢአተኞችን በምሕረቱ ሥራና በፍትሑ ድንቅ ነገሮች ውስጥ የሚያካትት ነው” ሲሉ ርዕሰ ሊቃነ ጳጳሳት ሊዮ ተናግረዋል።

ርዕሰ ሊቃነ ጳጳሳቱ “ጌታ አሁንም ያስደንቀናል እና አሁንም በእኛ ባልሆኑ መንገዶች እራሱን እንዲገኝ ይፈቅዳል፣ ስለዚህም የእርሱ ታማኝነት አሁንም ያስደንቀናል” ሲሉ ንግግራቸውን ደምድመዋል።