ር.ሊ.ጳ ሊዮ ሊዮ የምትስበን ቤተክርስቲያን ሳትሆን፣ ክርስቶስ ራሱ ነው ማለታቸው ተገለጸ!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

"ለማዳመጥ እዚህ እገኛለሁ" ሲሉ ርዕሰ ሊቃነ ጳጳሳት ሊዮ 14ኛ ከታኅሳስ 29 እስከ ታኅሳስ 30/2018 ዓ.ም  በቫቲካን በሚካሄደው ልዩ ጉባኤ ላይ ለካርዲናሎች ባደርጉት ንግግር መግቢያ ገልጸዋል።  ርዕሰ ሊቃነ ጳጳሳቱ የካርዲናሎች ሸንጎ ያስጀመሩት የጎርጎሳዊያኑን የቀን አቆጣጠር በሚከተሉ የክርስቲያን ማሕበረሰቦች ዘንድ የጌታችን የኢየሱስ ክርስቶስ የልደት በዓል ከተከበረ ከ6 ቀናት በኋላ ሰባሰግል ሕጻኑን ኢየሱስን ለመጎብኘት የመጡበት "የክርስቶስ መገለጥ" በዓል ከተከበረ በኋላ ባለው ማግስት ሲሆን ካርዲናሎቹ ወደ ሮም በመጡበት ወቅት በመቀበል ደስታቸውን በመግለጽ መንፈስ ቅዱስ በእነዚህ ሁለት ኃይለኛ ግን አስፈላጊ በሆኑ የማሰላሰል እና የውይይት ቀናት ውስጥ እንዲመራቸው በመጸለይ ነበር።

ርዕሰ ሊቃነ ጳጳሳቱ የአንድ ቀን ተኩል ጊዜያቸው "ወደፊት ለመንገዳችን አቅጣጫ ይጠቁማል" ማለታቸው የተገለጸ ሲሆን "የግድ ወደ አንድ መልእክት መድረስ የለብንም፣ ነገር ግን መላውን የቤተክርስቲያን ተልእኮ ለማገልገል የሚረዳንን ውይይት መቀጠል አለብን" በማለት ተናግረዋል፣ ቅዱስ አባታችን የካርዲናሎች ሸንጎ በጣም የተለያየ ቡድን መሆኑን አምነዋል፣ “በተለያዩ አስተዳደግ፣ ባህሎች፣ የቤተክርስቲያን እና የማህበራዊ ወጎች፣ በቅርጽ እና በትምህርት ጎዳናዎች፣ በሐዋርያዊ አገልግሎት ልምዶች የበለፀገ ነው" ሲሉ ገልጸዋል።

“እርስ በርሳችን እንድንተዋወቅ እና እንድንወያይ ተጠርተናል፣ ስለዚህም ቤተክርስቲያኗን ለማገልገል አብረን እንድንሰራ፣ በኅብረት ማደግ እና በዚህም የሕብረት ዕቅድ ማቅረብ እንደምንችል ተስፋ አደርጋለሁ” ብለዋል።

ቅዱስ አባታችን በሰጡት አስተያየት፣ የሁለተኛውን የቫቲካን ጉባኤ አስፈላጊነት ለተሳታፊዎቹ አስታውሰው፣ እና ቀደም ሲል ስለነበሩት ሊቃነ ጳጳሳት አስተያየታቸውን ሰጥተዋል።

“ርዕሰ ሊቃነ ጳጳሳት ቤኔዲክቶስ ይህንን የመሳብ እንቅስቃሴ የሚመራው” ኃይል ብለው ምልክት ላደረጉበት ነገር ትኩረት እንድንሰጥ እጋብዛለሁ” ብለዋል። “በእርግጥም፣ ይህ ኃይል ማራኪ እና በፍቅር የተሞላ ነው፣ በኢየሱስ ክርስቶስ ሥጋን የገለጠው የእግዚአብሔር ፍቅር ነው፣ እናም በመንፈስ ቅዱስ ለቤተክርስቲያን የተሰጠው፣ ሁሉንም ድርጊቶቿን የሚቀድስ ነው” ብለዋል።

ከዚህም በላይ ርዕሰ ሊቃነ ጳጳሳት ሊዮ አፅንዖት ሰጥተው እንደ ተናገሩት "እኛን የምትስበን ቤተክርስቲያን ሳትሆን ነገር ግን ክርስቶስ ራሱ ነው የሚስበን፣ ክርስቲያን ወይም የቤተክርስቲያን ማህበረሰብ የሚስበን ከሆነ፣ በዚያ 'ሰርጥ' በኩል ከአዳኝ ልብ የሚወጣው የበጎ አድራጎት ደም ስለሚፈስ ነው" ብለዋል።

አክለውም "አንድነት ሲስብ፣ መለያየት ግን ይበትናል" ሲሉ የተናገሩት ቅዱስ አባታችን ካርዲናሎቹ በሁለት ጭብጦች ላይ እንደሚያሰላስሉ ተገንዝበዋል፣ ከእነዚህም መካከል የሚከተሉት ይገኙበታል፡- ኢቫንጀሊ ጋውዲየም (የወንጌል ደስታ)፣ ማለትም በዛሬው ዓለም የቤተክርስቲያን ተልዕኮ የሚገልጽ የቀድሞ ርዕሰ ሊቃነ ጳጳሳት ፍራንችስኮስ ጳጳሳዊ መልእክት ሲሆን፤ "ኢቫንጀሊየም" በተለይም ለልዩ አብያተ ክርስቲያናት የቅድስት መንበር አገልግሎትን ያመለክታል፣  ሁለተኛው ደግሞ ሲኖዶስ እና ሲኖዶሳዊነት እንደ መሳሪያ እና የትብብር ዘይቤ፤ እና የክርስትና ሕይወት ምንጭ እና ጫፍ የሆነውን የአምልኮ ሥርዓት የምያመልኩት መልእክቶች እንደሆኑም ቅዱስነታቸው አብራርተዋል።

ሆኖም፣ "በጊዜ ገደቦች ምክንያት እና በእውነት ጥልቅ ትንተና ለማበረታታት"፣ ከእነዚህ ውስጥ ሁለቱ ብቻ በዚህ ጥያቄ በመመራት በተለይ ይብራራሉ፡- "የሚቀጥለውን የአንድ ወይም የሁለት ዓመት መንገድ ስንመለከት፣ እያንዳንዱን ጭብጥ በተመለከተ ምን ጉዳዮች እና ቅድሚያ የሚሰጣቸው ነገሮች ሊመሩ ይችላሉ?" ይህ የካርዲናሎቹ አካሄድ ይሆናል፣ ምክንያቱም ለእያንዳንዱ ልብ፣ አእምሮ እና መንፈስ ትኩረት በመስጠት፣ እርስ በርስ በማዳመጥ እና ዋናውን ነጥብ ብቻ እና በአጭሩ በመግለጽ ሁሉም እንዲናገሩ ቅዱስነታቸው እንደ ሚፈልጉም ተገልጿል።

"ወደፊት" ቅዱስ አባታችን "ይህ እርስ በርስ የመደማመጥ፣ የመንፈስ ቅዱስን አመራር የመፈለግ እና አብሮ የመራመድ መንገድ ለተሰጠኝ የቅዱስ ጴጥሮስ መንበር አገልግሎት ትልቅ እገዛ ሆኖ ይቀጥላል" ያሉ ሲሆን "በወንድማማችነት እና በቅን ወዳጅነት አብረን መሥራትን የምንማርበት መንገድ እንኳን" ሊሆን ይችላል፣  "አዲስ ነገር ሊፈጥር ይችላል፣ ይህም የአሁኑንም የወደፊቱንም ትኩረት የሚስብ ነገር ነው" ሲሉ ተናግረዋል።

ርዕሰ ሊቃነ ጳጳሳት ሊዮ 14ኛ መንፈስ ቅዱስ ካርዲናሎቹን በአስተንትኖ ጊዜያቸው እንዲረዳቸውና የቤተክርስቲያን እናት በሆነችው በቅድስት ድንግል ማርያም እይታ እንዲመራቸው በመጸለይ ንግግራቸውን ደምድመዋል።