21ኛው የምስራቅ አፍሪካ የጳጳሳት ጉባኤ በኬኒያ ናይሮቢ ተጀመረ

የዚህ ዜና አዘጋጅ ቤዛዊት አስፋ

ከሐምሌ 11 - 19 ቀን 2018 ዓ.ም በኬንያ የጳጳሳት ጉባኤ መሪነት የተዘጋጀው ጉባኤ ቆይታውን ናይሮቢ በሚገኘው በምስራቅ አፍሪካ ካቶሊክ ዪኒቨርስቲ የሚያደርግ ሲሆን መሪ ቃሉን “ሲኖዶሳዊ ጉዞ ከወጣቶች ጋር እና መልካም አስተዳደር” በማድረግ ከአባል ሀገራት ከተወከሉ ብፁዓን ጳጳሳት፣ ወጣቶች፣ ገዳማውያን፣ ምዕመናን እና ግብዣ ከተደረገላቸው ተሳታፊዎች ጋር ያደርጋል።

የኢትዮጵያ ካቶሊካዊት ቤተክርስቲያንን በመወከል ብፁዕ ካርዲናል አቡነ ብርሃነኢየሱስ ሊቀጳጳሳት ዘካቶሊካውያን፣ ብፁዕ አቡነ ሙሴ የቀድሞ የእምድብር ሀገረስብከት ጳጳስ፣ ብፁዕ አቡነ ማርቆስ የጅማ ቦንጋ ሀገረስብከት ጳጳስ፣ ብፁዕ አቡነ ሉቃስ የእምድብር ሀገረስብከት ጳጳስ፣ ብፁዕ አቡነ ደጀኔ የሶዶ ሀገረስብከት ጳጳስ፣ ብፁዕ አቡነ ሚልኪያስ የነቀምቴ ሀገረስብከት ጳጳስ፣ ክቡር አባ ከተማ አስፋው የጳጳሳት ጉባኤ ጠቅላይ ጸኃፊ፣ ክቡር አባ አብርሃም ገብረማርያም የሐዋሪያዊ ሥራዎች አስተባባሪ፣ የምእመናን፣ የወጣት ተወካዮች እና የሚዲያ ባለሙያዎች ተገኝተዋል።